Eftir vottun: Rekjanleikavottun aðfanga/hráefnis

Kaupa og selja MSC-vottað sjávarfang

Þú getur fundið alla vottaða birgja með MSC-rekjanleikavottun um allan heim með því að nota Find a supplier directory gagnagrunninn okkar.

Kynntu vottunina þína með MSC-umhverfismerkinu 

Notkun á bláa MSC-merkinu er ein áhrifaríkasta leiðin til að vekja athygli kaupenda og neytenda á sjálfbærum veiðum og sjávarafurðum sem aflað er á sjálfbæran hátt, en merkið má finna á yfir 20.000 vörum í yfir 100 löndum. 

 

Hver er kóðinn minn fyrir MSC-rekjanleikavottun?

Þegar þú hefur fengið vottun mun MSC búa til sérstakan rekjanleikakóða til notkunar í viðskiptum og pappírum. 

Hvar finn ég kóða fyrir birgja, viðskiptavini eða minn eigin kóða?  

Þetta er allt að finna í gagnagrunni MSC - Finna birgja  Find a supplier directory.

Getur kóðinn minn breyst?  

Í langflestum tilfellum verður kóðinn þinn sá sami fyrir allt tímabilið sem vottunin nær til. Það er sjaldgæft að kóðinn breytist en það gerist til dæmis: 

• Ef þú varst með vottun fyrir eina starfstöð, en sameinast öðrum hópi sem hefur þegar fengið vottun og er með starfstöðvar á mörgum stöðum. Þá þarftu að taka upp og nota þann kóða sem fyrir var. 
• Ef þú áttir áður aðild að vottun sem gilti fyrir margar starfstöðvar, en lýkur því samstarfi og rekur nú eigin starfstöð. Þá verður þér úthlutað nýjum rekjanleikakóða. 

Hvað ef eitthvað breytist?

Komi til breytinga á rekstri hjá þér á þeim þremur árum sem vottunin nær til þarftu að tilkynna vottunaraðila um það (CAB). 

Hér eru leiðbeiningar um hvenær þarf að tilkynna breytingar til vottunaraðila: 

Breytingar	Krafa um að upplýsa vottunaraðila (CAB)
Það kemur í ljós að sumar vörur eru ekki í samræmi við kröfur MSC	Tilkynnist innan 2 daga eftir að mál kemur upp
Nýr starfsmaður er gerður að tengiliði fyrirtækisins við MSC  Ný vottuð tegund bætist við  Nýr vottaður birgi bætist við  Fyrir hópvottun: Starfsemi á einum eða fleiri stað er hætt, eða hafin á nýjum stað	Tilkynna skal innan 10 daga frá breytingunni eða innan 10 daga eftir að:  Tekið er við nýrri tegund í fyrsta skipti  Tekið er við fyrstu sendingu frá nýjum birgja
Ný starfsemi hafin sem ekki var tekin fyrir við úttekt og er ekki í fjallað um í vottorðinu  Meðhöndlun ASC-vottaðra vara í fyrsta skipti  Samið við nýjan framleiðanda eða pökkunaraðila vegna vottaðrar vöru  Fyrir handhafa hópvottorða: Starfstöðvum í vottunarskírteini fjölgað í allt að 10% (innifalið í uppfærðum staðsetningarlista)  Fyrir handhafa CFO vottorða: Fjölgun starfsstöðva í skírteininu um meira en 25%	Upplýsa áður en til breytinga kemur  Vottunaraðilinn veitir skriflegt samþykki fyrir viðkomandi breytingu og getur krafist úttektar á starfsstöð eða á fjarfundi áður en samþykki er veitt.
Ný/breytt vara, ný geymsluaðferð eða breytt framsetning vöru  Nýr undirverktaki sem geymir vöruna bætist við	Upplýsist við eftirlit og endurvottunarúttektir  Handhafi vottorðs getur samþykkt tíðari tilkynningar til vottunaraðila ef þess er óskað
Fyrir handhafa CFO vottorðs: Uppfærsla lista yfir starfsstöðvar	Veita skal upplýsingar innan 5 daga frá því að fyrirspurn er móttekin frá vottunaraðila

 

Meðhöndlun vöru/afurða á meðan veiðar eru í mati

Sjávarafurðir sem veiddar eru á meðan fiskveiðar eru enn í matsferli samkvæmt fiskveiðistaðli MSC, MSC Fisheries Standard, er eftir atvikum hægt að selja sem vottaðar, eftir tiltekinn „gjaldgengisdag“ (eligibility date). Það tekur vanalega um 18 mánuði að ljúka matsferlinu. 

Gjaldgengi (Eligibility) 

Fyrirtæki geta aðeins keypt og geymt „vöru í matsferli“ ef þau eru: 

• Hluti af fiskveiðum sem eru í matsferli 
• Hluti af fiskeldi sem er í ASC-matsferli 
• Tilgreindur aðili í viðskiptavinahópi fyrir fiskveiðar/fiskeldisstöð

Gjaldgeng fyrirtæki verða að eiga vöruna að fullu þar til fiskveiðarnar/fiskeldið hefur verið vottað, en þeim er heimilt að nota birgðageymslur þriðja aðila eða undirverktaka til að meðhöndla vöruna eftir þörfum. 

Gjaldgeng fyrirtæki sem heimilt er að meðhöndla „vörur í matsferli“ skulu tryggja að varan sé: 

Auðveldlega auðkennanleg og aðskilin frá annarri vöru 

Rekjanleg til annarrar vottaðrar starfsemi 

Ekki seld eða merkt sem „vottuð“ eða með umhverfismerkinu fyrr en fiskveiðarnar /fiskeldið  hefur verið vottað. 

ASC aðfangakeðja

Öll fyrirtæki sem eru vottuð af ASC, Aquaculture Stewardship Council, eru metin samkvæmt MSC-rekjanleikastaðlinum.  

Ef þú ert þegar með MSC-rekjanleikavottun og vilt eiga viðskipti með ASC-vottaðar vörur, þarf  vottunaraðilinn þinn að framkvæma áhættumat. Í flestum tilvikum geta vottunaraðilar gefið út vottorð fyrir ASC-vörur án þess að framkvæma úttekt á staðnum. Fyrirtæki sem hafa vottun til að meðhöndla bæði MSC- og ASC-vottaðar vörur fá tvö aðskilin vottorð; ASC-rekjanleikavottorð og MSC-rekjanleikavottorð. 

Breytingar á rekjanleikastaðlinum

Rekjanleikastaðall MSC er endurskoðaður og uppfærður að minnsta kosti þriðja hvert ár. Minniháttar breytingar á vottunarkröfum geta verið innleiddar oftar. Við kunnum að meta þitt framlag og allar mikilvægar breytingar eru gerðar að höfðu samráði við hagsmunaaðila.  

Reglur um endurskoðun má finna á vefsíðu MSC  Programme Improvements og þar er hægt að gera viðeigandi athugasemdir. Nánar um þróun MSC staðalsins: Find out more about developing the MSC Standards.

Áfrýjun vottunaraðila

Allir MSC-vottunaraðilar eru viðurkenndir af ASI, Assurance Services International (ASI). Hægt er að kvarta með formlegum hætti yfir hvaða vottunaraðila sem er. Ef þú vilt kvarta yfir vottunaraðila/úttektaraðila er fyrsta skrefið að nota kvörtunarferli viðkomandi aðila, sem er á vefsíðu viðkomandi aðila. Einnig má biðja um það frá þeim. Komi upp óánægja með viðbrögðin er hægt að kvarta beint til ASI. - raise a complaint directly with ASI.

Við erum hér til að aðstoða

MSC er með starfsemi um allan heim og starfsfólk getur aðstoðað þig eftir þörfum við að fá starfsemi þína vottaða. 

Ef þú hefur spurningar þá hafðu samband við starfsmann MSC á Íslandi 

Gísli Gíslason [email protected]